Татарстанда кибет киштәләре тулы

Халыкны артык коткыга бирелмәскә һәм чиктән тыш продукт запасы тупламаска сорыйлар. Татарстан Республикасының бүлү үзәкләрендә ким дигәндә, ике айга җитәрлек, азык-төлек запасы булдырылган.

Бу Россия Федерациясе Авыл хуҗалыгы министрлыгы кушуы буенча эшләнгән. Татарстан Республикасы Авыл хуҗалыгы һәм азык-төлек министрлыгында әйтелгәнчә,  республика халкының ихтыяҗлары буенча хәзерләнгән запас даими тулыландырыла.

Республикада хәзерләнгән продукция запасы «сатып алучылар ихтыяҗларына туры китереп даими тулыландырыла», дип билгелиләр ведомствода. «Без республика халкын үзебездә җитештерелгән азык-төлекнең төп төрләре белән тулысынча тәэмин итәбез», - ди Татарстан Республикасы авыл хуҗалыгы һәм азык-төлек министрының беренче урынбасары Наил Залаков.

                                                                                                                                                                                                                                                                                                                                                                                                                                                                             Фото:agro.tatarstan.ru