#Кыскача яңалыклар 18 ноябрь 2022, 13:27

Татарстанда метапневмовирус белән чирләү очраклары артты. Бигрәк тә балалар өчен куркыныч тудыра

18 ноябрь 2022, 13:27

Авыру югары сулыш юлы һәм үпкә авыруларын барлыкка китерә. Куркыныч төркеменә өч яшькә кадәрге балалар керә, аеруча аллергиядән интегүче һәм башка төр хроник авырулы балаларга кагыла бу.

Скопировать ссылку

Метапневмовирус башка вируслар белән дустанә, микст-инфекция тудыра, шуңа авыру авыр үтә", — дип билгеләп үтте Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча идарәсе җитәкчесе урынбасары Любовь Авдонина журналистлар өчен үткәрелгән матбугат конференциясендә.
Бүгенге көндә метапневмовирус йоктыруның 57 очрагы теркәлгән.

Чагыштыру өчен, узган ел шундый ике очрак кына теркәлгән, быел ул 57 кеше тәшкил итә. Бу калган инфекцияләр арасында 9,5% тәшкил итә.

— Авыру баланы өйдә әнисе карарга һәм күп кенә күрсәтмәләрне үтәргә тиеш. Андый очракларда баланың температурасын үлчәргә, аны урын-җиргә яткырып, табиб чакырырга кирәк. Авыру баланы поликлиникага алып бармаска, табиб өйгә үзе киләчәк. Бу — беренче һәм иң мөһим кагыйдә, - диде Авдонина әти-әниләргә мөрәҗәгать итеп.

Кызыклы яңалыкларны күзәтеп бару өчен безнең МАХ каналына кушылыгыз.