Татарстанда мошенник-төзүче гаиләләрне миллионнарча сумга алдаган

Татарстанның Биектау районында берничә гаилә ялган төзүче капкынына килеп эләккән. Шәхси йортлар төзергә вәгъдә ителсә дә, эшләр ярты юлда тукталып калган. Зыян күрүчеләр, шул исәптән Данил исемле ир-ат үзен төзүче дип таныштырган Рөстәмгә берничә миллион сум күләмендә акча тапшырган, әмма төзелеш фундамент салу стадиясендә туктатылган.

Сәламәтлеге һәм инвалидлыгы белән бәйле проблемалар аркасында үз йорты турында хыялланган Данил төзелеш эшләренең технологияләр бозылу белән алып барылуын ачыклаган. Төзелеш материаллары участокка китерелмәгән. Аның сүзләренчә, төзүче башта килешүне имзалауны кичектергән, ә аннары шалтыратуларны һәм мөрәҗәгатьләрне игътибарсыз калдыра башлаган.

Соңрак ачыкланганча, күрше урамда төзелеш башларга җыенган башка гаилә белән дә шундый ук хәл килеп чыккан. Биектаулылар ялган төзүчене мошенниклык өчен җаваплылыкка тарту өчен хокук саклау органнарына мөрәҗәгать иткән.

Фото: видеодан скриншот