#Кыскача яңалыклар 22 май 2015, 09:41

Татарстанда сатып алулар өлкәсе уңышлы эшли

22 май 2015, 09:41

Татарстанда дәүләт һәм муниципаль сатып алулар өлкәсенә аерым игътибар бирелә. Статистикага караганда, былтыр гына да 280 меңнән артык контракт һәм килешү төзелгән. Болар хакында Казанда узган дәүләт һәм муниципаль ихтыяҗларны тәэмин итү өчен сатып алулар өлкәсендә Бөтенроссия форумында сөйләштеләр. Әлеге чарада Татарстан лидеры Рөстәм Миңнеханов та катнашты.

Скопировать ссылку

- "Дәүләт һәм муниципаль ихтыяҗларны тәэмин итү өчен товарлар сатып алу, эш, хезмәт күрсәтү өлкәсендә контракт системасы турында"гы федераль закон инде бер елдан артык гамәлдә. "Хәзер без зур ышаныч белән аның әлеге өлкәдәге төп бурычларны хәл итәргә булышуын әйтә алабыз. Аерым алганда, бу дәүләт сатып алуларының нәтиҗәлелеген арттыру, коррупциягә каршы көрәш, бюджет акчаларыннан файдалануның нәтиҗәлелеген арттыру", - ди Рөстәм Миңнеханов. Аның сүзләренчә, хәзерге вакытта республикада дәүләт һәм муниципаль сатып алуларны планлаштыру, үтәү һәм контрольдә тотуның ачык системасы булдырылган. Заказлар урнаштыру вәкаләтле органнар системасы аша эшләнә. Хәзерге вакытта республика дәрәҗәсендәге 9 вәкаләтле орган бар. Алар республиканың 848 учреждениесе өчен сатып алулар башкара. Муниципаль дәрәҗәдәге 45 вәкаләтле орган 6 мең 736 учреждение өчен сатып алулар үткәрә икән.

- Без дәүләт сатып алуларын башкарган вакытта Россия товар җитештерүчеләре өчен өстәмә преференцияләр тәкъдим итәргә, җирле җитештерүчеләргә ярдәм итү буенча норматив-хокукый карарлар кабул итү мөмкинлеген тәкъдим итәбез, - диде чыгышында Рөстәм Миңнеханов.

Кызыклы яңалыкларны күзәтеп бару өчен безнең МАХ каналына кушылыгыз.