Татарстанда ярлыларның саны 293 мең кешегә арткан

Бездә айлык кереме 8141 сумнан азрак булган кеше ярлы дип санала. Татарстанның Профсоюзлар федерациясе мәгълүматларына караганда, республика күп кенә социаль-икъдисади күрсәткечләр буенча алдынгы урыннарда тора, ә менә хезмәт хакы буенча ул утыз беренче урында гына. Быелның беренче яртыеллыгында республикадагы уртача хезмәт хакының күләме гомумроссия күрсәткечләреннән 16,6 процентка түбәнрәк булып, 29 793 сумны тәшкил итте.