#Кыскача яңалыклар 10 сентябрь 2021, 10:54

Татарстанда җылы көннәр көтелә! Кайчан?

10 сентябрь 2021, 10:54

Киләсе атна башында Татарстан Атлантик циклонның төньяк киңлекләре буйлап күченүче җылы секторына эләгәчәк, шуның нәтиҗәсендә термометрның терекөмеш баганасы +16..+21 градуска кадәр күтәреләчәк.

Скопировать ссылку

Республика Гидрометеорология һәм әйләнә-тирә мохитне күзәтү идарәсе фаразында шулай диелә.

Алда торган ял көннәрендә төбәктә салкынча һава торышы сакланачак. Шимбә көнне республиканың көнчыгышында урыны белән бераз яңгыр явачак, һава температурасы 0..+5 градус тәшкил итәчәк, урыны белән туфракка -1 градуска кадәр кырау төшәргә мөмкин. Көндез Татарстан югары атмосфера басымы зонасында булачак, шунлыктан явым-төшем ихтималы аз, һава температурасы +11..+16 градуска кадәр күтәреләчәк.

Якшәмбе көнне төнлә явым-төшем көтелми, температура +2..+7 тәшкил итәчәк, урыны белән туфракка -1 градуска кадәр кырау төшәчәк. Көндез республиканың көнбатыш районнарында бераз яңгыр явачак, температура +17 градуска кадәр күтәрелә.

13-14 сентябрьдә бераз яңгыр явуы көтелә, көндезге сәгатьләрдә һава температурасы +16..+21 градус тәшкил итәчәк.

Чыганак: "Татар-информ"

Кызыклы яңалыкларны күзәтеп бару өчен безнең МАХ каналына кушылыгыз.