#Кыскача яңалыклар 11 сентябрь 2023, 12:48

Татарстанда законсыз урман кискән өчен ике урманчы 1,8 млн сум түләгән

11 сентябрь 2023, 12:48

Табигатькә китерелгән зыян өчен ике урманчы 1,8 млн сум түләгән, дип хәбәр итә Федераль суд приставлары хезмәтенең Татарстан Республикасы буенча идарәсе.

Скопировать ссылку

Татарстанның Югары Ослан районы территориясендәге урманда алар законсыз рәвештә агачларны кисеп, аеруча зур күләмдә зыян китергән. Берсе, урман хуҗалыгы җитәкчесе буларак, үз кул астындагыларга законсыз урман кисү турында күрсәтмә бирә.

Югары Ослан район суды һәркемгә 1,8 млн сум күләмендә штраф түләргә карар чыгара. Башкарма документ район суд приставлары бүлегенә тапшырыла, аның нигезендә пристав башкарма производство эшен кузгата.

Бурычлылар шунда ук суд карарын үтәмәгәнлектән, пристав бурычлыларның мөлкәтен арестлау турында карар чыгара. Шуннан соң гына ике ир дә зыянны каплый.

Кызыклы яңалыкларны күзәтеп бару өчен безнең МАХ каналына кушылыгыз.