Татарстаннан МХОда катнашучы хәрбинең гаиләсенә яңа фатир ачкычы тапшырганнар

Яңа фатирларның ачкычларын предприятие хезмәткәрләренең гаиләләре алган. Алар арасында Алексей Булыгинның гаиләсе дә бар, ул махсус хәрби операциядә катнаша. Бу хакта үзенең Telegram-каналында район башлыгы Сергей Демидов хәбәр иткән.

Хәрбине өйдә әти-әнисе, хатыны һәм ике баласы көтә.

Күп фатирлы йорт «Алексеевскдорстрой»акчасына төзелгән. Бу «юлчылар йорты»ның беренчесе дә, соңгысы да түгел. Аларның берсе узган ел тапшырылган һәм биредә инде яшиләр. Берсе — быел тапшырылачак, ә тагын икесе төзелеш стадиясендә.

Предприятиенең үз торак программасының уникальлеге квадрат метрларны түләүнең ташламалы шартларында тора: һәр биш ел саен 500 меңнән 1 млн сумга кадәр исәптән алына.