Татарстанның Саба районында юлда транспорт һәлакәтендә 8 кешенең үлү факты буенча җинаять эше кузгатылган

Татарстанның Саба районында юл-транспорт һәлакәтендә 8 кешенең үлү факты буенча җинаять эше кузгатылган, дип хәбәр иттеләр ТР буенча Эчке эшләр министрлыгында.

ТР буенча ЭЭМның Баш тикшерү идарәсе РФ ҖКның 264 маддәсе 5 бүлеге ("Юлда йөрү һәм транспорт чарасын куллану кагыйдәләрен бозу") билгеләре буенча җинаять эше ачкан, дип билгеләп үтте ТР буенча ЭЭМ вәкиле. Транспорт һәлакәтендә сигез кеше үлгән, шул исәптән 1 бала (Саба үзәк район хастаханәсендә операция вакытында 2009 елгы малай үлгән). Тагын 4 кеше зыян күргән, алар арасында 14 яшьлек кыз да бар. Хәзер 3 кеше Республика клиник хастаханәсендә, Саба үзәк район хастаханәсендә - 1 кеше.

Һәлак булган кешеләр арасында - «Хундай» җиңел автомобиле йөртүчесе һәм пассажиры, шулай ук микроавтобус йөртүчесе һәм пассажирлары. Алар барысы да - ТРның Саба районында яшәүчеләр.

Якынча мәгълүматларга караганда, һәлакәт килеп чыгуга җиңел машинаның каршы як полосага чыгуы сәбәп булган.

_{^{Чыганак: «Татар-информ» (Эмма Ситдыйкова, Гөлүзә Василова).}}