Әти кеше сугып 3 айлык кызының баш сөяген сындырган

Кичә, балаларны яклау көнендә, Казанның Республика балалар клиник хастаханәсенә ашыгыч ярдәм машинасында баш миенә һәм баш сөягенә зур зыян килгән, авыр хәлдәге өч айлык кызны китерәләр.

Төнлә белән уянган баланы 19 яшьлек әни кеше йомышы белән башка бүлмәгә чыккан арада 23 яшьлек иренә карап торырга куша. Бала елый башлагач әти кешенең бик нык ачуы чыга һәм берничә тапкыр сабыйның битенә йодрыгы белән суга. Нәтиҗәдә баланың ике яктан да чигә сөяге сына.

Хәзер кыз авыр хәлдә хастаханәнең интенсив терапия бүлегендә ята.

Берничә тапкыр җинаятҗ җаваплылыгына тартылган ир үз гаебен таныган.