Әти-әнисе белән биш бала янгында үлгән...

Коткаручылар килеп җиткәнче, ут телләре бөтен йортны камап алган була. Янгын сүндерелгән вакытта җиде кешенең мәете табылган, аларның икесе —гаилә башлыгы һәм аның хатыны, калганнары - аларның балалары. Медицина хезмәткәрләре тарафыннан аларның үлеме билгеләнгән.

«Янгын чыгуның сәбәбе билгеләнә, тикшерү-оператив төркем тикшерүчеләре эшли. Янгынны сүндерүгә 62 кеше һәм 25 берәмлек техника җәлеп ителгән», — дип яза «Башинформ».
Башлангыч мәгълүматлар буенча, гаиләдә барлыгы җиде бала тәрбияләнгән. Икесе исән калган, аларны хастаханәгә алып киткәннәр.