Транспортта QR-код кирәк булу сәбәпле, Казанга туристлар килми

Яңа ел сезоны якынаюга карамастан, гомуми ихтыяҗ 60%ка кадәр төшкән. Туристлык оешмалары моның сәбәбен җәмәгать урыннарында һәм шәһәр транспортында QR-кодлар режимы булуы белән аңлата. 

"Хәзер Казанда QR-кодлар сәүдә үзәкләренә һәм рестораннарга бару өчен кирәк, әмма экскурсия автобуслары һәм программага кертелгән объектлар өчен кодлар кирәкми. Ләкин бу гына ярдәм итми. Туристлар Казан турында сорау биргәндә, без чикләүләр турында сөйләргә мәҗбүр. Транспортта QR-кодның кирәк булуын ишетүгә, куркып калалар", - дигән фикердә туристлык оешмалары.