#Кыскача яңалыклар 16 апрель 2019, 18:04

Уфада татар милли киемнәре күргәзмәсе ачыла

16 апрель 2019, 18:04

18 апрель көнне Уфа шәһәрендә «Башкортстан Республикасы Милли музее фондларыннан татар милли киемнәре һәм декоратив-гамәли сәнгать үрнәкләре коллекциясе» дигән күргәзмә ачыла. Бу хакта «Башинформ» хәбәр итә, дип яза "Татар-информ".

Скопировать ссылку

Күргәзмә ачылу Башкортстан Республикасында Татарстан Республикасы көннәре кысаларында уза. Күргәзмәдә милли кием-салым, ир-атлар һәм хатын-кызлар баш киемнәре, бизәкле аяк киеме, татар милли бизәнү әйберләре күрсәтелә. Әлеге күргәзмә беренче тапкыр тәкъдим ителә, ди оештыручылар.
Күргәзмә проекты музей коллекцияләре мисалында чигү, туку техникасы, аяк киемнәре эшләү, зәркән сәнгате турында күзаллау бирәчәк һәм XIX — XX гасыр татар милли киемнәрендә чагылыш тапкан матурлык эстетик идеалларын күрсәтәчәк.

Кызыклы яңалыкларны күзәтеп бару өчен Т елеграмга кушылыгыз.