Умартачылар быел бал бәяләрен күтәрде

Уңышны югалту сәбәпле, умартачылар балның бәясен күтәргән. «Челнинские известия» язганча, Спас ярминкәсендә катнашкан умартачылар сүзләренә караганда, быел, узган ел белән чагыштырганда, балның өчтән бер өлешен генә җыя алганнар.

"Быел бал уңышы начар. Май башы салкын булды, ә балның төп уңышы – чәчәкле төрле үләннәргә бәйле. Бәяләрне күтәрергә туры килде, узган ел өч литрлы банка 1,5 мең сум тора иде, хәзер 2 мең сум тора», - дип сөйләгән умартачы Абдул.