#Кыскача яңалыклар 26 июнь 2017, 10:50

Урта Азиянең иң зур мәчете төзелде

26 июнь 2017, 10:50

Кыргызстан башкаласында Урта Азиядәге иң зур мәчет төзелеше тәмамланган. Төзелеш эшләре Төркиянең Дини фонды ярдәме белән башкарылган. Мәчетне торгызу эшләре Бишкәктә 2012 елда башланган булган.

Скопировать ссылку

Мәчетнең ябык өлеше 7,5 мең квадрат метрны тәшкил итә. Мәчеттә бер юлы 6 мең кеше намаз укый ала. Якын-тирә территорияләрне санаганда, намазга җыелучы мөселманнар саны 20 меңгә кадәр җитәргә мөмкин.

Мәчет комплексы үз эченә: 500 машина урынына исәпләнгән парковка, Коръән укулары оештыру буенча биналар, конференция залы, ашханә һәм фонтанны да ала.

Мәчет Әнкарадагы Коджатепе мәчетенә охшатып төзелгән.

Төзелешнең җитәкчесе Муса Демирджи әйтүенчә, мәчет төзелеше төгәлләнгән, территорияне төзекләндерү буенча гына эшләр калып бара. Аның сүзләренчә, мәчетнең, 70 метр биеклектәге дүрт манарасы һәм ике керү юлы бар.