Узган тәүлектә Татарстанда коронавирусның 53 яңа очрагы ачыкланган

Авыручылар саны пандемия башыннан бирле 23 876 га җиткән. Үсеш темпы 0,2% тәшкил итә. Роспотребнадзор вәкиле сүзләренчә, процессны тотрыкландыру күзәтелә. 100 мең кешегә авыручылар саны 613 тәшкил итә. Авыручылар арасында 32- Британия штаммы һәм 55-һинд штаммы очрагы теркәлгән. Барысы да - республика чикләреннән китмәгән гражданнар арасында, дип хәбәр итте Җамалиева. 

ТР сәламәтлек саклау министры урынбасары - Казанның сәламәтлек саклау идарәсе башлыгы Владимир Жаворонков билгеләп үткәнчә, Татарстанда COVID-19 буенча вәзгыять тотрыклы дип бәяләнә. Тәүлек эчендә 40 кеше сәламәтләнде, пандемия башланганнан бирле ул сан - 21 205. Республикада 813 257 кеше вакцина кадаткан катнашкан, шуларның 579 854есе икенче компонентын алган инде. Вакцина җитәрлек санда, дип ассызыклады Жаворонков.