Вакансияләр ярминкәсенә рәхим ит

16нчы сентябрьдә Казанның Идел буе районында вакансияләр ярминкәсе оештырыла. Анда әлеге районның "Кирмән" шәхси сак оешмасы ҖЧҖ, "Метроэлектротранс" МУПның Троллейбус депосы-2, "Бәхетле-1" ҖЧҖ, "Теплоконтроль" ААҖ, Россия Федераль салым хезмәтенең ТР буенча 18нче номерлы районара инспекциясе оешмалары вәкилләре катнашачак.

Ярминкә барышында теләге булганнарга эшкә урнашырга ярдәм итәчәкләр, бушлай консультацияләр уздырачаклар, эшкә урнашу, һөнәри белем алу һәм яңадан әзерләү, шулай ук хезмәт буенча законнар җыелмасына кагылышлы мәсьәләләр буенча консультация бирәчәкләр.

Вакансияләр ярминкәсе Бертуган Касыймовлар ур., 22/7 адресы буенча узачак. Ярминкә 9.00 сәгатьтә башлана. Кызыксындырган сораулар белән (843) 224-86-66 телефонына мөрәҗәгать итәргә мөмкин.