#Кыскача яңалыклар 27 июль 2017, 08:14

Владимир Путин тоткыннарга балалары белән төрмәдән читтә озаклап күрешергә рөхсәт бирде

27 июль 2017, 08:14

Россия президенты Владимир Путин тарафыннан тоткыннарга балалары белән төрмәдән читтә озаклап күрешү мөмкинлеген биргән Федераль канун имзаланган. Басылып чыккан канун 14 яшькә кадәрге баланың хөкем ителгән әти-әнисеннән башка кешесе булмаган очракларга кагыла.

Скопировать ссылку

Тоткыннарга өстәмә күрешүләр ял һәм бәйрәм көннәрендә бирелергә мөмкин. Хөкем ителгән хатын-кызларга төзәтү колонияләрендәге балалар йортларында балалары булганда, аларны туганнарына яки балалар йортына урнаштыру өчен 15 тәүлеккә кадәр колониядән читкә чыгарга мөмкин булачак. Бу хакта "Татар-информ" "Коммерсант" хәбәр итә.

Моннан тыш, озак вакытлы күрешүне инвалид балалары булган ата-аналарга да рөхсәт итәчәкләр. Әлеге чаралар югары җәзага хөкем ителгән аеруча куркыныч җинаятьчеләргә, каты авыруларга кагылмый.