Путин ассызыклаганча, Россия анда төп позицияләрне саклый.
— Ел башыннан гына да 15 тапкыр космоска очтык. Әмма дөньякүләм көндәшлек үсә һәм, лидерлыкны саклап калу өчен, активрак эшләргә кирәк. Космоста беренчелекне ныгытырга тиешле проектларның берсе инде эшкәртүдә. Бу тулысынча Россия орбиталь станциясен булдыру. Шул ук вакытта тармакның нормаль эшен һәм үсешен тәэмин итәргә тиешле кайбер карарлар, президент сүзләренчә, соңга кала, - диде Владимир Путин.
Мәсәлән, 2030 елга кадәр чорга Россия ГЛОНАСС навигация системасын үстерү программасы расланды.
— Билгеләп үтәм, тиешле финанслау булган барлык чаралар комплексын 30 августка расларга кирәк иде. Әмма бу әлегә кадәр эшләнмәгән, бу тулаем тармакны үстерү буенча планнарыбызны куркыныч астына куя. Бүген бу тоткарлыкның сәбәпләре һәм бу эшнең кайчан да булса тәмамланачагы турында сөйләвегезне сорыйм, - дип тә өстәде Путин.
Комментарийлар