Хәрбиләр, аларның гаилә әгъзалары, шулай ук хәрби пенсионерлар өчен яңа ярдәм чарасы бирелә

Тиешле карар Россия Хөкүмәте тарафыннан имзаланды.

Хәрбиләр, аларның гаилә әгъзалары, шулай ук хәрби пенсионерлар яңа ярдәм чарасы алды. Бу хакта Россия Хөкүмәте хәбәр итә.

Сүз командировкалар яки отпуск вакытында шәхси машинаны кулланганда чыгымнарны каплау турында бара. Моңа кадәр самолетта очкан яки тимер юл транспортында йөргән өчен генә компенсация алырга мөмкин иде.