«Хокук бозу очраклары ачыкланмады»: Татарстанда сайлауның өченче көненә йомгак ясалды

Татарстанда Россия Президентын сайлауда тавыш бирүнең өченче көненә йомгак ясалды. 18:00 сәгатькә кандидатлар өчен үз тавышларын республика халкының 81,47% биргән, шул ук вакытта Казанда 69,27%, ә Чаллыда ул күрсәткеч 81,75%. Бу хакта Татарстан Үзәк сайлау комиссиясе рәисе Андрей Кондратьев барлык иавыш бирү нәтиҗәләре буенча үткәрелгән брифингта хәбәр итте.

"Татарстанда өч көн дәвамында җиде илдән күзәтүчеләр миссиясе һәм БДБ илләреннән күзәтүчеләр миссиясе эшләде. Халыкара күзәтүчеләр тарафыннан тавыш бирүне оештыруга карата хокук бозу очраклары теркәлмәгән", - дип билгеләп үтте Кондратьев.

Спикер билгеләп үткәнчә, барлык сайлау участоклары видеоконтроль белән җиһазландырылган. һәм трансляция тәүлек әйләнәсе җәмәгать күзәтү үзәгендә алып барыла һәм дәвам итә. 

"Хәзерге вакытта хокук бозулар ачыкланмаган. Сайлау участокларында гадәттән тыш очраклар теркәлмәгән. Тавыш бирү тыныч, штат режимында узды. Тавыш бирү барышына йогынты ясый торган хокук бозулар теркәлмәгән, сайлау законнарын бозуга шикаятьләр килмәгән», – дип өстәде Татарстан Үзәк сайлау комиссиясе рәисе.

Ул участок сайлау комиссияләре әгъзалары нәтиҗәләрне 19 марттан да соңга калмыйча, ә Россия субъектларының сайлау комиссияләре 21 марттан да соңга калмыйча игълан итәргә тиешлеген әйтте.

Кондратьев шулай ук 18 март көнне беренчел мәгълүматны бастырып чыгарырга мөмкин булачагына ышаныч белдерде. Шулай ук имин, ачык һәм легитим сайлаулар әзерләүдә һәм үткәрүдә катнашучыларга рәхмәт белдерде.