Яңа елдан чүп-чар чыгарган өчен бөтен кеше бертөрле түли

Чүп чарны чыгарган өчен аерым түли башлавыбыз ихтимал. Хәзер әлеге хезмәт өчен түләү башка графага кертелгән, чүп-чар чыгару нормалаштырылмаган. Хәзер гадәттә, бу түләү торакның квадрат метрыннан чыгып исәпләнә. Бер квадрат метр өчен 2 сум 50 тиен тирәсе түләргә туры килә. Тарифларны идарәче компанияләре билгели, дип хәбәр итә «Российская газета».

2017 елдан исә бу тарифларны көнкүреш калдыклары чыгару белән шөгыльләнгән төбәк операторлары билгеләячәк. Шул рәвешле түләү бөтен кеше өчен бертөрле булачак. Бу сумма ничә сумны тәшкил итәчәк дигән сорауга, Россия Экология һәм табигый байлыклар министры Сергей Донской: «Бу хакта төбәк операторлары сайлангач сөйләшергә була. Сайлау процедурасы ачык - кемнең шартлары яхшырак, шул җиңә. Без чүп-чар чыгаруга бәя артырга тиеш дип санамыйбыз», - дигән.