Яңа елга - чит илгә

Россия халкы Яңа ел каникулын Таиланд, Берләшкән Гарәп Әмирлекләре, Төркия һәм Европа курортларында үткәрәчәк. Туристлар арасында иң популярлары шулар. Яңа елда ял итүчеләр Европага, экскурсияләргә, тау чаңгысына өстенлек бирә. Туристларның Европа тау чаңгысы курортларына ашкынуы евро курсының тотрыклы, андагы инфраструктураның әйбәт, апартаментларның очсыз булуы, юл бәясе әллә ни кыйммәт булмавы, программаларның күплеге һәм башка уңайлыклар белән аңлатыла.