Яшь тамашачылар театрында – “Көзебезнең язы”

Габдулла Кариев исемендәге Казан яшь тамашачылар театры "Көзебезнең язы" (Раушан Шәриф) спектаклен яңартып сәхнәләштерде. Бөек Җиңүнең 70 еллыгы уңаеннан әзерләнгән әлеге спектакльнең премьерасы 5 май көнне булачак. Спектакльдә Россиянең һәм Татарстанның халык артисты, Г.Кариев театрына нигез салучыларның берсе Нуриәхмәт Сафин һәм Татарстанның атказанган артисты Халидә Сөнгатуллина уйнар дип көтелә.