Яшел Үзән шәһәрендә яшәүче 240 мең сумыннан “колак каккан”

Ханымның телефонына таныш булмаган ир-ат шалтыратып, имеш, полициягә эләккән улына ярдәм итәр өчен 240 мең сум акча сораган. Әни кеше озак уйлап тормыйча, кирәкле сумманы банкомат аша каракларга күчергән. Шуннан соң гына ул туганнарына хәбәр иткән һәм үзен алдауларын ачыклаган. Зыян күрүче тиз арада полициягә мөрәҗәгать иткән. Әлеге очрак буенча җинаять эше кузгатылган.