Яшүсмерләр үч итеп мәктәп директорының ике машинасын яндырган

Бу үч алу максаты белән эшләнгән дип шикләнелә.

Оренбургта балигъ булмаганнар үч итеп 48 нче мәктәп директоры урынбасарының ике машинасын (Fiat һәм Lifan Solano) яндырганнар. Һәрхәлдә, зыян күрүче шулай дип белдерә. Хәзер шикләнүчеләрне полиция эзли, дип яза «Mash» телеграм-каналы.

Каза күрүче Екатерина Ильина сүзләренчә, яшүсмерләргә карата белдерелгән шикләр юкка гына түгел. Алар белән һәрдаим проблемалар туып торган. Күптән түгел мәктәп директоры аларны бик каты шелтәләгән.