"Йөзенә чыккан": Әнвәр Нургалиевның һәлак булган туганының балалары ни хәлдә?

Җырчы Әнвәр Нургалиевның фанатлары аның социаль челтәрдәге сәхифәсендә Диананың кызына күбрәк игътибар бирүне сорап комментарийлар калдыра. Алар фикеренчә, кыз үз-үзенә бикләнгән, әнисенең үлеме сәбәпле тирән кайгы кичерә. Артист блогерның балаларының ничек яшәве турында сөйләвен дәвам итә һәм мөмкин булганча аларның күңелләрен күрә. 

«Аишаның йөзенә чыккан. Күзләре моңсу. Ашага әнисе җитми, сезгә һәм хатыныгызга Диананың балаларына ярдәм иткәнегез өчен зур рәхмәт. Кызчыкка кичерешләрен үзендә сакларга кирәкми. Мин әнине югалтуның нәрсә икәнен беләм», "Аиша яратуга, ана назына мохтаҗ. Бәлки, киресенчә, аның белән әнисе турында ешрак сөйләшергә кирәктер", – дигән комментарий  калдыралар битараф булмаган кешеләр.

Әнвәр Нургалиев иҗатын сөючеләргә игътибар һәм ярдәм күрсәткәннәре өчен рәхмәт белдерде. Ул яхшылык кире кайтачак дип уйлый. Блогерның игезәк уллары әниләренең үлеме турында белми. Алар әниләрен сагыналар һәм аның кайтуын көтәләр дип белдергән җырчы. Аларның әтиләре дә сабыйлар тәрбияләүдә актив катнаша.

Фото: http://vk.com/id12095233