#Кыскача яңалыклар 17 октября 2023, 12:24

«Зәкят» хәйрия фонды махсус хәрби операциядәге егетләребезгә 10 миллион сумлык ярдәм күрсәткән

17 октября 2023, 12:24

Татарстан Диния нәзарәтенең «Зәкят» хәйрия фонды җитәкчесе Булат Мәрданов махсус хәрби операция зонасында булган мөселманнарга күрсәтелгән ярдәм турында сөйләде.

Скопировать ссылку

«2022 елда фонд барлыгы 24 миллион сумлык хәйрия ярдәме күрсәтте. Шуларның дүрттән бер өлеше, ягъни 8 миллион сум махсус хәрби операция зонасына юнәлтелде. Бу сумманы без елның соңгы өч аенда җыйдык. Тулаем алганда, без егетләргә 10 миллион сумлык ярдәм күрсәттек. 2022 елның сентябрь анда акция игълан иткән идек, республика халкы хуплап алды", - дип сөйләде ул "ВСЕ СВОИ" телемарафонында.

Алар, беренче чиратта, көз айларын, кыш якынлашуны истә тотып, акчаны җылы кием-салымга, азык-төлеккә юнәлткән.

"Махсус хәрби операция зонасында мөселман ир егетләребез күп. Без 17 мең данә хәләл тушенка, итле банкалар, көрпә, май, шикәр кебек азык-төлек җибәрдек. Тулаем 7 тоннага якын ярдәм китте. Без хезмәт итүче егетләребезнең гаиләләренә дә ярдәм итеп торабыз", - диде ул.

Фонд махсус хәрби операция зонасына хезмәт кораллары, инструментлар, медицина чараларын да җибәргән.

Россия Кораллы Көчләре сафларында контракт буенча хезмәт итү, шулай ук премияләр, ташламалар һәм түләүләр турында heroes-tatarstan.ru сайтында яки 117 телефоны аша күбрәк белергә мөмкин.

Безнең телеграм-каналга кушылыгыз.

Кызыклы яңалыкларны күзәтеп бару өчен Телеграм-каналга кушылыгыз.