#Кыскача яңалыклар 26 февраль 2017, 14:38

Үзәк банк 1 сумнан да очсызрак тиеннәрне кирәксенми

26 февраль 2017, 14:38

"Российская газета" язганча, россиялеләр даими куллана торган тимер акчаларның барысы да диярлек Мәскәүдәге "монетный двор"да бастырылачак.

Скопировать ссылку

Гознак генераль директоры Аркадий Трачук әйтүенчә, Петропавловск ныгытмасы меңләгән тонна металл күчереп йөртүгә җайлаштырылмаган. Шуңа да Санкт-Петербургтагы "монетный двор" кыйммәтле металлдан истәлекле тиеннәр чыгару белән шөгыльләнәчәк. Җитәкче искәрткәнчә, соңгы елларда тиеннәрне кулланучылар саны берничә тапкырга кимегән. "Үзәк банк 1 сумнан да очсызрак тиеннәрне бастыруга заказ да бирми. Дөрес, тиеннәргә иҗтыяҗ булганда, алар кулланылыштан чыкмаячак",- ди Аркадий Трачук.

Кызыклы яңалыкларны күзәтеп бару өчен безнең МАХ каналына кушылыгыз.