#Кыскача яңалыклар 20 февраль 2019, 10:27

Үзмәшгульлеләргә, «күләгәдән чыккан өчен», 140 мең сум акча бирергә җыеналар

20 февраль 2019, 10:27

Федерация Советының регламент һәм парламент эшчәнлеген оештыру комитеты башлыгы Андрей Кутепов шул турыда хәбәр иткән, дип яза ТАСС. Мондый тәкъдим хөкүмәткә җибәрелде, ведомстволарның соңгы сүзен көтәбез, дигән ул. Әлеге тәҗрибә Карелиядә гамәлдә. Анда үзмәшгульлеләргә 200әр мең сум акча бирәләр. Шуңа бәйле рәвештә алар күләгәдән бик теләп чыга башлаган. Нәтиҗәдә мондыйларның саны 23 процентка арткан. Кутепов бу тәҗрибәне башка төбәкләрдә дә кулланырга тәкъдим иткән.

Скопировать ссылку

Сүз уңаеннан: 2019 елның 1 гыйнварыннан Мәскәү шәһәрендә, Мәскәү һәм Калуга өлкәләрендә, шулай ук Татарстанда «Һөнәри керемгә салым» махсус салым режимы кертелде. Закон нигезендә, физик затларга салым ставкасы 4 процент күләмендә каралган, ә юридик затларга – 6 процент.
Салымнарны түләү гадиләштерелгән система буенча башкарыла – теркәлү өчен «Минем салым» мобиль кушымтасы булдырылган. Салым ай саен 25 нче числодан да соңга калмыйча җибәрелә.

Кызыклы яңалыкларны күзәтеп бару өчен безнең МАХ каналына кушылыгыз.

#үзмәшгульлеләр