1 сентябрьдән укучылар «ясалма интеллект» өйрәнә башлый

Бу хакта РИА Новости агентлыгына биргән интервьюсында Россия Мәгариф министры Сергей Кравцов хәбәр иткән.

Министр сүзләренчә, яңа юнәлеш Бөтенроссия мәктәп укучылары олимпиадасында сыналган һәм зур кызыксыну уяткан. «Ясалма интеллект» профиле информатика буенча олимпиадага кертелгәннән соң актуаль һәм кирәкле булуын раслаган.

— Без информатика буенча олимпиадага «ясалма интеллект» дигән яңа профиль керттек. Ул шулкадәр кирәкле булып чыкты ки, 2026/27 уку елыннан мәктәп программасына да өстәләчәк, — дип белдерде Кравцов.

Белгечләр фикеренчә, әлеге яңалык укучыларга заманча технологияләрне тирәнрәк аңларга, программалаштыру һәм нейрочелтәрләр белән эшләү күнекмәләрен үзләштерергә ярдәм итәчәк.

Мәгариф системасындагы әлеге үзгәреш Россия мәктәпләрен цифрлы киләчәккә якынайтуда мөһим адым булып бәяләнә.