1,2 миллионга якын ата-ана яңа гаилә түләвен алган

Яңа ярдәм чарасы 2026 елның 1 июненнән гамәлдә. Ул ике һәм аннан күбрәк бала тәрбияләүче эшләүче ата-аналарга, шулай ук уллыкка алучыларга, опекуннарга һәм попечительләргә каралган. Балалар 18 яшькә кадәр, ә көндезге бүлектә белем алсалар, 23 яшькә кадәр булырга тиеш. 

Түләүне алу өчен гаиләдә бер кешегә туры килгән уртача керем 2025 елда төбәктәге яшәү минимумының 1,5 күләменнән артмаска тиеш. Моннан тыш, гариза бирүченең алимент буенча бурычы булырга тиеш түгел. Гаилә түләве — узган елда түләнгән НДФЛның бер өлешен кайтару механизмы. Салым 13 процент урынына 6 процент ставкасы буенча яңадан исәпләнә, ә аерма гаиләгә бер тапкыр түләнә.

Түләүгә гаризаны 2026 елның 1 июненнән 1 октябренә кадәр «Госуслуги» порталы, Социаль фондның клиент хезмәте яки МФЦ аша бирергә мөмкин. Социаль фонд гаризаны, кагыйдә буларак, 10 эш көне эчендә карый, ә уңай карар кабул ителгәннән соң акча биш эш көне эчендә күчерелә. 

• Яңа түләү белән 2026 елда 4 миллионнан артык гаилә файдалана алыр дип көтелә.