#Кыскача яңалыклар 19 июнь 2025, 10:50

15 яшьлек үсмер инспекторлар белән «качышлы» уйнаган

19 июнь 2025, 10:50

Казанда «Иж» машинасы белән идарә иткән 15 яшьлек үсмер полиция хезмәткәрләре белән «качышлы» уены оештырып әйләнеп капланган.

Скопировать ссылку

Бу хәл Гудованцев урамында килеп чыккан. ЮХИДИ хезмәткәрләре «ИЖ» машинасын туктатырга тырышып караган, ләкин машина йөртүче моңа игътибар бирмичә, киресенчә, кызулап киткән. Инспекторлар аның артыннан куа башлый. «ИЖ» ерак китә алмаган, бер урамда машина йөртүче идарә итүне югалтып, әйләнеп капланган.

Соңрак руль артында балигъ булмаган бала булганлыгы ачыкланган, җитмәсә машина йөртергә «права»сы да юк. Ул идарә иткән «Иж» машинасы инде күптән исәптән төшерелгән. Малайның туганнары һәлакәт урынына килгәннәр һәм булган хәлдә аның дусларын гаепләгәннәр.

Үсмернең аягы имгәнгән, аны хастаханәгә озатканнар.

Кызыклы яңалыкларны күзәтеп бару өчен безнең МАХ каналына кушылыгыз.

#яшүсмерләр #җинаятьчелек