190 дан артык Чаллы гаиләсе җир урынына акчалата компенсация сайлаган

Бу хакта шәһәр Советының хисап сессиясендә Наил Мәһдиев хәбәр иткән. Утырышта Рөстәм Миңнеханов та катнашкан.

Бүгенге көндә шәһәрдә җир кишәрлегенә хокуклы күп балалы гаиләләр исемлегендә 9539 гаилә исәпләнә. Шуларның 4365е участоклар белән тәэмин ителгән, 4990 гаилә чиратта кала.

2025 елның 2 ноябреннән Казан һәм Чаллының күп балалы гаиләләренә яңа мөмкинлек тәкъдим ителгән: алар җир урынына 200 мең сум күләмендә акчалата түләү сайлый ала. Әлеге ярдәм чарасы гаиләләргә көнкүреш мәсьәләләрен тизрәк хәл итәргә ярдәм итә.

Күп балалы гаиләләргә күрсәтелә торган бу ярдәм гаилә милли проекты максатларына туры килә.