2026 елда «Һөнәре буенча иң яхшы» Бөтенроссия конкурсы номинацияләр санын арттырачак

Бу хакта Россия Хезмәт һәм социаль яклау министрлыгы хәбәр итә. Моннан тыш, катнашу хокукы бизнес-бергәлеккә дә бирелгән.

Конкурс инде 13 ел дәвамында уздырыла һәм 2025 елда РФ Президенты Владимир Путин кушуы буенча масштаблы үзгәртү узды, «Кадрлар» милли проектының төп чарасына әверелде Узган ел номинацияләр саны биштән 20гә кадәр артты, ә анда Россиянең 79 төбәгеннән белгечләр катнашты, ә бер ел элек алар 45 булган.

Быел Татарстаннан җиде профессионал «Агроном», «Слесарь-җыючы», «Яшелчәче», «Мехатроника һәм робот техникасы буенча белгеч», «Слесарь-инструментальщик», «Икенче старт» һәм «Радиоэлектрон аппаратура монтажчысы»номинацияләрендә призлы урыннар яулады. Конкурсның соңгы категория буенча федераль этабы Казанда Казан радиомеханика көллияте базасында узды.

Конкурс ике этапта уза – төбәк һәм федераль. Төбәк этапларында җиңүчеләр федераль ярышлар уздырыла торган башкалаларга җыела. Быел акчалата призларны 20 җиңүче һәм 40 призер алачак.