#Кыскача яңалыклар 24 февраль 2026, 12:33

2,9 млн сумга кадәр түләү: Татарстанда яңа хәрби контракт мөмкинлекләре

24 февраль 2026, 12:33

Татарстанда пилотсыз системалар гаскәрләренә контракт буенча хезмәткә җыю өчен махсус сайт эшли башлады.

Скопировать ссылку

Татарстанда пилотсыз системалар гаскәрләренә контракт буенча хезмәткә җыю өчен махсус сайт эшли башлады.

Бу хакта «Татар-информ» агентлыгына контракт буенча хезмәткә сайлап алу пункты офицеры Егор Горячев хәбәр иткән.

Аның сүзләренчә, яңа интернет-ресурста РФ Саклану министрлыгы белән контракт төзү шартлары турында тулы мәгълүмат урнаштырылган. Анда гамәлдәге түләүләр, ташламалар, социаль гарантияләр турында белергә, шулай ук онлайн гариза калдырырга мөмкин. Гариза тапшырганнан соң белгечләр кандидат белән элемтәгә кереп, барлык сорауларга җавап бирәчәк.

Исегезгә төшерәбез, 1 гыйнвардан Татарстанда РФ Саклану министрлыгы белән контракт төзүчеләр өчен бер тапкыр бирелә торган түләү күләме 2,9 млн сумга кадәр арттырылды. Бу – ил күләмендә иң югары күрсәткечләрнең берсе, Идел буе федераль округында – иң зурысы. Моннан тыш, республикада махсус хәрби операциядә катнашучыларга һәм аларның гаиләләренә ярдәм итүгә юнәлдерелгән өч меңнән артык муниципаль акт кабул ителгән.

Контракт төзергә теләүчеләр өчен 117 хезмәте нигезендә аерым кайнар линия эшли. Моның өчен 117 номерына шалтыратып, 4 төймәсенә басарга кирәк. Кандидат беренчел таләпләргә туры килгән очракта, аның мәгълүматлары сайлап алу пункты белгечләренә җибәрелә.

Яңа гаскәрләрдә хәрбиләр җирдә пилотсыз очучы аппаратлар, йөзүче һәм хәрәкәт итүче техник чаралар белән идарә итәчәк. Алар арасында «Герань», «Странник» дроннары, шулай ук экипажсыз катерлар да бар.

Әлеге гаскәрләрдә контракт шартларының үзенчәлекләре дә бар. Төп аерма – контракт вакыты автомат рәвештә озайтылмый. Минималь срок – бер ел. Моннан тыш, хәрби хезмәткәрләр башка гаскәрләргә күчерелми, ә әзерлек кимендә ике ай дәвамында Татарстан һәм күрше төбәкләрдә узачак.

Контракт буенча хезмәт, премияләр һәм ташламалар турында тулырак мәгълүматны heroes-tatarstan.ru сайтында, 117 номеры буенча, шулай ук Казандагы Контракт буенча хәрби хезмәткә сайлап алу пунктында (Аэропорт урамы, 1/40, телефон: (843) 221-44-52) алырга мөмкин.

Кызыклы яңалыкларны күзәтеп бару өчен безнең МАХ каналына кушылыгыз.