Әбиләр чуагы 2026: кайчан башланачак һәм күпме дәвам итәчәк

Синоптикларның беренчел фаразлары буенча, җылы көннәр кыска вакытлы салкыннардан соң киләчәк һәм бер-ике атна дәвам итәчәк.

Әбиләр чуагы 2026 елда кайчан башланачак?

«Российская газета» мәгълүматларына караганда, Россиянең урта полосасында җылы көннәрнең 10–14 сентябрь тирәсендә башлануы көтелә.

Фараз буенча, җылы һава торышының иң югары ноктасы 23–25 сентябрьгә туры килергә мөмкин. Шуннан соң һава температурасының сизелерлек төшүе көтелә.

Әбиләр чуагы күпме дәвам итә?

Гадәттә Әбиләр чуагы 7 көннән 14 көнгә кадәр дәвам итә. Әмма аның вакыты төбәкнең климат үзенчәлекләренә бәйле.

Россиянең көньяк төбәкләрендә җылы һава сентябрь ахырына кадәр сакланырга мөмкин. Төньяк районнарда исә Әбиләр чуагы иртәрәк — август ахырында ук башланырга мөмкин.

Әбиләр чуагының нинди билгеләре бар?

Халык күзәтүләрендә көзге җылылыкның килүен алдан күрсәтә торган берничә билге бар. Август ахырында күпләп пәрәвезләр күренүе коры һәм җылы көзгә ишарә итә дип санала. Чикерткәләрнең озак һәм көчле чыелдавы да җылы, яңгырсыз һава торышы белән бәйләнә.

Иртәнге куе томаннарның кояш чыгу белән тиз таралуы да озакка сузылган көзге җылылык билгесе буларак кабул ителә.

• Халык ышануы буенча, 28 августта һава аяз булса, әбиләр чуагы озын һәм җылы булачак.

Әмма мондый билгеләр фәнни фараз түгел, ә күп еллар дәвамында формалашкан халык күзәтүләре булып тора.

Әбиләр чуагыннан соң нәрсә көтелә?

Халык календаре буенча, беренче кыраулар гадәттә Әбиләр чуагы тәмамланганнан соң төшә. Шулай итеп, сентябрьдәге җылы һәм кояшлы көннәрдән соң көзге салкыннар башланырга мөмкин.