“Әлбәдән”: Бөек Ватан сугышы вакыйгалары кабат торгылызачак

Бу масштаблы чара кунакларны инде 7нче тапкыр җыя.
Фестиваль ярдәмендә Брест крепостенең легендар сакчысы Петр Гавриловның батырлыгы турында Татарстан һәм Россия төбәкләреннән килгән 60 000нән артык кунак белгән инде. 

Фестиваль Бөек Ватан сугышы башлануга багышланган Россиядәге иң масштаблы вакыйга. Вакыйгалы туризм өлкәсендә халыкара премия экспертлары фикеренчә, иң яхшы тарихи чараларның берсе. 

Фестиваль программасында өч тарихи реконструкция: «Мин-Крепость, сугыш алып барам” (1941 ел) «Үтеп керү” (1941 ел), “Кенигсберг диварлары янында” (1945 ел). Шулай ук зур мәдәни-тарихи программа, тематик һәм концерт мәйданчыклары, П.М. Гаврилов музее эшлиячәк.
Оештыручылар сүзләренчә, фестивальдә бик күп кызыклы мәйданчыклар эшләячәк. Әйтик, «Крестьян икмәге» дип аталганы булдырачак. Монда кунаклар сугыш чорындагы авыл тормышы турында белә ала. Он тарттырырга һәм икмәк пешерергә өйрәтәчәкләр. Шулай ук үз көчеңне башка традицион крестьян шөгыльләрендә сынап карау мөмкинлеге булачак.

Моннан тыш, Бөек Ватан сугышы чорындагы элемтә чараларына, сугыш коралларына, Кызыл армия хәрбиләренең обмундированиесенә, тарихи техникага багышланган экспозицияне күреп булачак.
Быел күп санлы хәрби техника, яңа пиротехник эффектлар кулланылачак. Аерым игътибар детальләргә бирелә: униформадан алып хәрби кирәк-яракларга кадәр Бөек Ватан сугышы чорында кулланылганны кабатлаячак.
Казаннан килүче кунаклар өчен фестиваль мәйданчыгына кадәр транспорт оештыру мәсьәләсе карала. Әмма моның өчен ихтыяҗны аңлау кирәк диләр, оештыручылар. Шуңа күрә Фестивальнең соцчелтәрләрендә автобуста барырга теләк белдерүчеләрне барлыйлар.