Әлмәт драма театры артисты Динар Хөснетдинов елан чагып, хастаханәгә озатылган

Аның сүзләренчә, ул Чаллыга кайтканда, юл кырыенда туктаган машиналарны күрә. Кешеләрнең ни өчен туктаганнарын карарга була. Баксаң, алар каен җиләге җыючылар икән. Актер шулай ук җиләк белән сыйланмакчы була. Шул чакта аны кинәт елан тешли. 

-    Мин хәтта үземне нәрсәдер тешләгәнен дә сизмәдем. Соңыннан гына мин аның елан икәнен аңладым. Шунда ук бармак, ә аннары бөтен кул чугы шеште. Хастаханәгә юнәлдем, - дип сөйли ул. 

Динар Чаллы табибларының битарафлыгына зарланган. Актер БСМП кабул итү бүлегенә мөрәҗәгать иткән, әмма аны анда кабул итмәгәннәр, травматология бүлегенә җибәргәннәр. Травматологиядә исә аңа кире БСМП кабул итү бүлегенә барырга кушканнар. Нишләргә белмичә, артист 112 номерына шалтырата, алар Динарның мөрәҗәгатен шулай ук БСМПга юллый. Әмма кире шалтыратучы булмый. 

Актер Әлмәт хастаханәсенә барырга мәҗбүр була. Андагы медицина хезмәткәрләре шунда ук барлык анализларын алалар һәм тиешле медицина ярдәме күрсәтә башлыйлар. Көн саен аңа капельница куялар, аркасына уколлар кадыйлар. Ул хастаханәдә ике төн үткәрә. Хөснетдинов сүзләренчә, кулының оюы беткән диярлек, ләкин бармагы каралган. Бармагыннан мәхрүм калырга теләмәсә, аңа хастаханәдә дәваланырга киңәш ителгән.

«Именно Шулай» телеграм-каналына нигезләнеп Гүзәл Насыйбуллина әзерләде

Фото: Динар Хөснетдиновның социаль челтәрдәге сәхифәсеннән