«Ана капиталы» быел сезгә эләктеме?

Ягъни, 9831 гаилә торак кредитларын һәм займнарын түләгән, ә 1677 гаилә кредит рәсмиләштермичә генә тораклы булган. Исегезгә төшерәбез, ана капиталын торак өчен берничә вариантта файдаланырга була. Гаилә аны фатир яки
йорт сатып алганда куллана, үзе торак төзи яки торак кооперативлары ярдәменнән файдалана, торак кредитларын рәсмиләштергәндә куллана ала. 

Әгәр кредитсыз торак сатып алу яки төзү турында барса, акча белән балага өч яшь тулганнан соң гына файдаланып була. Торак кредиты булганда бу срокны көтәргә кирәкми: сертификатны беренчел кертем, төп бурычны һәм процентларны каплау өчен кулланырга рөхсәт ителә.

— Татарстан гаиләләре өчен ана капиталы ярдәмендә торак шартларын яхшырту иң отышлы алымнарның берсе булып тора, — ди Татарстан Республикасы буенча Социаль фонд бүлеге идарәчесе Эдуард Вафин. 

Ана капиталы гаиләгә акчалата бирелми, ә торак шартларын яхшырту килешүе буенча гына күчерелә.