#Кыскача яңалыклар 14 апрель 2026, 16:20

Әни кеше үз баласының акчасын урлаган

14 апрель 2026, 16:20

Татарстанда инвалид улының акчасын урлауда гаепләнүче хатын-кыз суд каршына басачак.

Скопировать ссылку

Татарстанда инвалид улының акчасын урлауда гаепләнүче хатын-кыз суд каршына басачак.

Прокуратура мәгълүматларына караганда, баланың әти-әнисе күптән аерылышкан булган, ә яшүсмер 2021 елдан бирле интернатта тәрбияләнә һәм үзенең финанс мәсьәләләрен үзе хәл итми.

Элекке ире вафат булганнан соң, хатын учреждение хезмәткәрләрен алдаган һәм улының документларын үз кулына төшерү мөмкинлеген алган. Аннары ул банк счетын рәсмиләштереп, аның счетына акча күчкән. .

Тикшерү барышында ачыкланганча, хатын-кыз 600 мең сумнан артык түләүләрне алганнан соң, бер ай дәвамында акчаның зур өлешен шәхси ихтыяҗларына тоткан.

Әлеге гамәлләре өчен аңа карата җинаять эше кузгатылган. Гаепле дип табылган очракта, хатын-кызга алты елга кадәр ирегеннән мәхрүм итү яный.

Кызыклы яңалыкларны күзәтеп бару өчен безнең МАХ каналына кушылыгыз.