“Арзан машина турындагы” хыял 3 миллионга төшкән

Татарстан буенча Эчке эшләр министрлыгы мәгълүматларына караганда, ул интернетта Европада җитештерелгән машина сатылуы турындагы белдерүгә тап булган һәм “менеджер” белән элемтәгә керә. Сатып алу шартларын тикшереп, хәтта компания турында мәгълүматны интернетта карап чыккач та, хатын тәкъдимгә ышанган.

Килешү төзелгәннән соң, ул 900 мең сум таможня чыгымнары өчен, шулай ук автомобиль өчен 2,3 миллион сум акча күчергән.

Ләкин берничә көннән соң “китереп бирү буенча брокер” тагын 3,7 миллион сум сорап элемтәгә чыккан. Нәкъ шул мизгелдә генә хатын-кыз үзен алдауларын аңлап полициягә мөрәҗәгать иткән.

Хокук сакчылары кисәтә: интернеттан кыйммәтле әйбер сатып алганда сак булыгыз. Сатучыны тикшермичә генә таныш булмаган кешеләргә акча күчермәгез.

Билгеле булганча, Татарстанда «Нәтиҗәле конкурентлыкка сәләтле икътисад» илкүләм проекты гамәлгә ашырыла.