#Кыскача яңалыклар 14 август 2026, 16:42

Бал кортлары турында 5 кызыклы факт

14 август 2026, 16:42

14 августта, Бал Спасы билгеләп үтелә. Шул уңайдан энтомолог Владимир Карцев «Комсомольская Правда» басмасына бал кортлары турында күпләр белмәгән кызыклы фактлар белән уртаклашкан.

Скопировать ссылку

🐝 Бал кортлары уйлый белә. Баш миенең кеше һәм хайваннардагы кебек зур ярымшарлары булмаса да, алар гади логик мәсьәләләрне чишәргә һәм кирәкле чәчәкне сайларга өйрәнә ала.

🧭 Аларның үз навигаторы бар. Бал кортлары азык табу урыннарын истә калдыра, төрле ориентирлардан файдалана, хәтта Җирнең магнит кырын һәм күктәге поляризацияләнгән яктылыкны сизә ала.

😴 Кайберләре ял да итә. Галимнәр күзәтүенчә, бал кортларының якынча 20 проценты азык эзләүгә һәр очышта кушылмый. Бу колониядә энергияне саклау өчен үзенчәлекле «резерв» ролен үти.

🍯 Бал бик озак саклана ала. Археологлар борынгы Мисыр каберләрендә меңнәрчә ел элек салынган бал тапкан. Мөһерләнгән һәм дым керми торган шартларда балның бик озак вакыт бозылмыйча саклануы мөмкин.

💉 Умарта агуы да өйрәнелә. Галимнәр бал корты агуындагы мелиттин матдәсенең төрле авыруларга каршы мөмкинлекләрен тикшерә. Әмма аның дәвалау нәтиҗәлелеген раслау өчен өстәмә клиник тикшеренүләр кирәк.

Бал кортларының тормышы — әле дә галимнәр өчен серләр белән тулы дөнья. Аларның кайбер сәләтләре хәтта кешенең үз мөмкинлекләрен дә искә төшерә.

Ә сез нинди балны яратасыз? Юкә балымы, карабодайныкымы, әллә аерма юкмы?

Кызыклы яңалыкларны күзәтеп бару өчен безнең МАХ каналына кушылыгыз.