Белем булса, киртәләрне егып була

Студентлар үзләренең фәнни җитәкчеләре белән берлектә курс эшләрен, практика һәм диплом проектларын коммерциячел булмаган оешмаларда, дәүләт яки бизнес структураларында төрле биремнәр үтәүгә багышлый. Республиканың Яшьләр эшләре министры урынбасары Владислав Усанов белдергәнчә, әлеге программа Россия Президенты Владимир Путин йөкләмәсе нигезендә тормышка ашырыла.

Ил җитәкчесе Владимир Путин социаль архитекторлар юнәлешендә ныклы эш алымнары башлап җибәрергә кирәклеген белдергәннән соң, Татарстан әлеге проектны тормышка ашыру өчен төпле нигез булдыру өстендә эшли.

Икътисад фәннәре докторы, ТР Иҗтимагый палатасы мәйданчыгында “Хезмәткә өйрәтү” кураторы Варвара Кулькова хәбәр иткәнчә, студентлар тормышта килеп туган реаль проблемаларны чишү өлкәсендә эшли. IT белгечләр начар күрүче кешеләр өчен уңайлы сайтлар эшли, ә табиб булырга укыган студентлар ишетмәүчеләр өчен ишарә телен өйрәнә.

Әлеге юнәлештә киләчәктә дә киңкырлы эш алып барылачак. 2026 елда “Хезмәткә өйрәтү. Татарстан” семинарында 100ләп студент һәм коммерциячел булмаган оешма вәкилләре җыелып, фикер алышачак.