Беренче авыл хуҗалыгы ярминкәсендә 106,5 млн сумлык продукция сатылган

Узган шимбәдә Татарстанның авыл хуҗалыгы һәм азык-төлек министры Марат Җәббаров Казан шәһәрендәге берничә мәйданчыкның эшен карады. 2025 елның шул ук чоры белән чагыштырганда кайбер ихтыяҗ булган товар позицияләрен кертү күләмнәре арттырылган.

Кәбестә 31,9 процентка күбрәк китерелгән — 13,2 тоннадан 17,4 тоннага кадәр, башка яшелчәләр — 22,2 процентка, сыер ите — 20,8 процентка, он — 17 процентка, сөт — 17,0 процентка. Шулай ук бал, ак май һәм кош ите кертү күләмнәре арттырылган.

Халыкны шикәр белән тәэмин итүгә аерым игътибар бирелгән. Агымдагы елда ярминкәләргә 36,1 тонна шикәр комы алып килгәннәр, бу 2025 ел күрсәткеченнән артып китә. Шул ук вакытта сәүдә барышында әлеге продукциягә сатып алу ихтыяҗы югары булуы билгеләп үтелгән. Шуңа бәйле рәвештә, киләсе ярминкәгә өстәмә рәвештә шикәр кертү күләмен арттыру планлаштырыла.