Бу атнада Татарстанда -5 градуска кадәр суыклар көтелә

Мондый мәгълүматларны республика Гидрометеорология үзәге китерә.

Мәсәлән, җил көньяктан һәм көньяк-көнчыгыштан секундына 6-11 метр тизлек белән исәчәк, көн дәвамында урыны белән җилнең тизлеге секундына 14 метрга кадәр җитәргә мөмкин.

Көндез термометр баганалары -0дан -5 градуска кадәр күрсәтәчәк. Температура төшү сәбәпле, юлларда бозлавык булуы ихтимал. 
Бозлавык булганда:

түбәндәге кагыйдәләрне үтәргә кирәк: иң беренче чиратта, ашыкмагыз. Таймый торган аяк киеме кияргә, бөтен табан белән тезләрне азрак бөгеп басарга тырышыгыз. Олы яшьтәге кешегә таяк тотып йөрергә киңәш ителә.  Машиналар йөри торган юлларда да сак булыгыз. Юл аша җәяүлеләр юлыннан гына чыгарга һәм башта аның куркынычсыз булуына инанырга кирәк. Автотранспорт бозлавыкта кинәт туктый алмый.