#Кыскача яңалыклар 19 июнь 2025, 14:15

Дамир Фәттаховны Бөгелмә районы башкарма комитеты җитәкчесе итеп раслаганнар

19 июнь 2025, 14:15

Бөгелмә районы советының 46нчы чираттагы сессиясендә Дамир Фәттаховны муниципалитетның башкарма комитеты җитәкчесе итеп рәсми рәвештә раслаганнар.

Скопировать ссылку

Аның кандидатурасы өчен утырышта булган 35 депутат тавыш биргән. Моңа кадәр Фәттахов бер ай Башкарма комитеты җитәкчесе вазифаларын башкарган.

Тавыш бирү алдыннан конкурс буенча сайлап алу уздырылган, финалга ике дәгъвачы чыккан: Дамир Фәттахов һәм ТКХ департаменты директоры вазыйфаларын башкаручы Илдар Бадыйков.

Сессиядә ТР Дәүләт Советы Рәисе урынбасары Юрий Камалтынов, ТР Рәисе Территорияләр белән эшләү идарәсе башлыгы урынбасары Илдар Ибраһимов, шулай ук ТР Дәүләт Советы депутатлары Рифнур Сөләйманов һәм Ирек Ханипов катнашкан. Алар барысы да Дамир Фәттаховка теләктәшлек белдергән.
Башкарма комитетның яңа җитәкчесе үз чыгышында эш өстенлекләрен билгеләгән һәм планнары белән уртаклашкан.

Кызыклы яңалыкларны күзәтеп бару өчен Т елеграмга кушылыгыз.