Депутатлыкка кандидатлар 28 көн буена сөйләп торачак

Россиянең тугызынчы чакырылыш Дәүләт Думасына депутатлар һәм Татарстанның Дәүләт Советына өстәмә депутат сайлауларда сайлау алды агитациясе өчен республикадагы массакүләм мәгълүмат чараларында бушлай эфир вакытына һәм вакытлы матбугаттагы басма мәйданына жирәбә уздырылды.

– Сайлау алды агитациясе башланып китә. Кандидатларга һәм сәяси партияләргә үзләре турында, үзләренең планнары һәм сайлау алды программалары турында сөйләү мөмкинлеге тудырыла. Массакүләм мәгълүмат чараларында агитация 28 көн, ягъни, 22 августтан 18 сентябрьнең “ноль” сәгатенә кадәр бара. Тавыш бирү алдыннан “тынлык көне” булмый: агитациянең ахыргы көне – пәнҗешәмбе, 17 сентябрь, – диде Татарстанның Үзәк сайлау комиссиясе рәисе Андрей Кондратьев.

18, 19 һәм 20 сентябрьләрендә була

• Сайлау алды агитациясе үткәрү өчен бушлай һәм түләүле эфир вакыты республикадагы 12 теле – һәм радио каналларына бирелә. Бушлай басма мәйдан төбәкнең 84 дәүләт вакытлы матбугат басмаларында каралган. Дәүләт массакүләм мәгълүмат чараларыннан тыш, агитация кампаниясендә дәүләтнеке булмаган массакүләм мәгълүмат чаралары да катнаша. 

Россия Федерациясе Дәүләт Думасы депутатларын, Татарстан Республикасы Дәүләт Советына өстәмә депутат һәм җирле үзидарәләрнең вәкиллекле органнарына өстәмә депутатлар сайлау 2026 елның 18, 19 һәм 20 сентябрьләрендә була.