Дөнья чемпионатының машинасы өчен ике Татарстан көрәшчесе дә көрәшәчәк

Мин икенчесен карадым. Мондагы - Казандагы өлеше тәмамланды. Безнекеләрдән алты көрәшче көч сынашты. Азат Габдрәшитов Айнур Сыртаевка җиңелде. Радик Сәлахов Муса Галләмовны җиңде. Ранис Гыйләҗетдинов Булат Мусинны отты. Аннары Радик Сәлахов Айнур Сыртаев белән көрәште. Радик җиңеп чыкты.

Чит илләрдән исә Үзбәкстан егетләре җиңде. Башта, килеп кергәч, берсен ерактан Сергей Павликка охшаттым. "Ярымфиналга ике Россия көрәшчесе, ике Үзбәкстан булдык. Безнең Анваржонов Азамжон автомобильны отар кебек", - ди әле генә җиңеп чыккан Үзбәкстан көрәшчесе Бобир Тохтасинов елмаеп.

Һәркемгә үзенеке инде. Гел шулай якты өмет белән яшәргә кирәк! Миңа да машина безнекеләрдә калыр кебек. Ярымфинал һәм финал өлешләре Саба районы Миңгәр авылында дәвам итәчәк. Җиңүчегә - автомобиль! Безнекеләрдән машина өчен Радик Сәлахов белән Ранис Гыйләҗетдинов көрәшәчәк! Уңышлар, егетләр!

Лилия Йосыпова.