16+

Электр энергиясенә акча әрәм итмәгез: өйдә экономияләүнең гади юллары

Электр энергиясе өчен түләүне киметү өчен зур чыгымнар таләп ителми.

Электр энергиясе өчен түләүне киметү өчен зур чыгымнар таләп ителми.

Көндәлек тормыштагы кайбер гадәтләрне үзгәртү дә гаилә бюджетын сакларга ярдәм итә. Россия Хөкүмәте каршындагы Финанс университеты доценты Петр Щербаченко электр энергиясен экономияләүнең дүрт ысулын атаган. Бу хакта Life.ru яза.

Беренчедән, гадәти лампочкаларны светодиодлы лампаларга алыштырырга кирәк. Белгеч сүзләренчә, 60 ваттлы гади лампа LED лампага караганда күпкә күбрәк электр энергиясе сарыф итә. Светодиодлы лампалар куллану һәр лампочкадан аена якынча 40 сум экономияләргә мөмкинлек бирә.

Икенчедән, кулланылмый торган техниканы розеткадан өзеп куярга киңәш ителә. Кайбер җайланмалар сүндерелгән хәлдә дә электр энергиясе куллануын дәвам итә. Шуңа күрә даими файдаланылмый торган техниканы токтан алу артык чыгымнарны киметергә ярдәм итә.

Өченчедән, керне түбәнрәк температурада юарга мөмкин. Кер юу машинасы электр энергиясенең шактый өлешен суны җылытуга сарыф итә. Белгеч 40 градус урынына 30 градуста юарга киңәш итә. Аның сүзләренчә, бу кер юу машинасының электр энергиясе куллануын 38 процентка кадәр киметергә мөмкин.

Дүртенчедән, көнкүреш техникасын юшкыннан вакытында чистартып торырга кирәк. Юшкын җылылык алмашынуны начарайта һәм суны җылыту вакытын озайта. Эксперт билгеләп үткәнчә, хәтта 1–2 миллиметр калынлыктагы юшкын катламы да электр энергиясе чыгымын 10–15 процентка арттырырга мөмкин.

Белгеч киңәшләрен көндәлек тормышта куллану электр энергиясен нәтиҗәлерәк файдаланырга һәм коммуналь түләүләрне киметергә ярдәм итәчәк.

электр. фото ти 

Кызыклы яңалыкларны күзәтеп бару өчен безнең МАХ каналына кушылыгыз. 

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading